نقل الدم بس من غير تبرع !




 نقل الدم بس من غير تبرع ! 
شوف الصورة نفس الفكرة بالظبط 
و بعدين اقرا الكلمتين دول و اعمل دماغ 

ايه اللغز دا بقى ؟!

النقل الذاتى للدم؛ أو بمعنى مبسط انت هتتبرع لنفسك بدمك

الموضوع دا له تاريخ طويل بداية من عام 1818 حتى الان.

لو فرضنا ان مريض فصيلة دمه نادرة وهيخضع لجراحة خلال وقت قريب هيحتاج فيها نقل دم و كل محاولاته للحصول على فصيلته منفعتش بيتم نقل الدم له إما قبل العمليه بالتبرع الذاتى (سحب كمية معينة من الدم و حفظها ثم إعادة حقنها بعد أسبوع مع سحب ضعف الكمية الأولى وحفظها ثم إعادة حقنها بعد أسبوعين مع سحب الكمية اللازمة للجراحة) أو خلال إجراء الجراحة بآليات و أجهزة طبية معينة (إنقاذ الدم) بيتم بيها سحب الدم الناتج عن الجراحة و تنقيته و تصفيته وإعادة حقنه فى الجسم.
اللى بيقوم بالنقل الذاتى للدم لازم يبقى متدرب كويس على الجراحة اللى من النوع دا و على الأجهزة اللى بيتم استحدامها
نقل الدم اللى بالطريقة دى بيدى لصاحبه عدة مميزات من ضمنها السرعة و ضمان حيوية الدم و تجنب مخاطر العدوى
ولكن يجب تجنب الموضوع دا تماما فى الناس اللى بتعانى من سرطانات الدم أو تلوث الدم الجرثومى (البكتيرى)
---------------------
لأهل التخصص؛
كلمات مفتاحيية للبحث فى جوجل
- Autotransfusion
- Intraoperative Blood Salvage (Cell Saver)



التعليقات :

إرسال تعليق